صابلي باللوز ~ حلويات الحادكة

هاد المساء جبت ليكم واحد الطريقة ساهلة باش تصاوبو صابلي باللوز صابلي لجميع المناسبات عدة اشكال بعجين واحد . يمكن ليك تبدعي فيك كيف ما بغيتي و توجدي شي بلاطوا جميل و متنوع من صابلي باللوز.
الشكر كل الشكر للاخت صاحبة الموضوع ام سيرين

مقادير و طريقة تحضير صابلي باللوز صابلي سهل ولذيذ بالصور

مقادير صابلي باللوز بالصور

2 بيضات
370 غرام زبدة بحرارة الغرفة
400 غرام سكر كلاصي
100 غرام لوز مصلوق و منقي ومفسخ
قطرات من روح الليمون أو روح الفاني
700 غرام دقيق تقريبا أو حسب الخليط

للتزيين صابلي باللوز

مربى مشماش

مربى الفريز

كوك

شكلاط محكوك

طريقة تحضير صابلي باللوز سهل ولذيذ بالصور

اولا نشفو اللوز في فران بلا ما يتحمر ثم نطحنوه ونضيفو عليه 2 م ك دقيق

نقصوهم من 700 غ دقيق لعندنا

ونعاودو نطحنوه

ثم نخلط زبدة مع السكر مزيان حتى يوليو بحال الكريمة و نضيفو البيض و روح الليمون او الفانيلا واللوز لطحنا ونخلطو عاد نضيفو الدقيق شوية بشوية حتى نحصلو على عجينة رطبة ومتماسكة يسهل بسطها

ثم نغطيوها بالبلاستيك الغذائي وندخلوها الثلاجة لمدة ساعة

من بعد ما دازت المدة نبسط العجين فوق طاولة مرشوشة بالدقيق أو من الاحسن بين قطعتين من البلاستيك وتقطع بالمرشم مثل الموجود في الصور أو يمكن استعمال اي مراشم متوفرة عندك

ثم نصففها في صنية الفرن تكون مدهونة بالقليل من الزيت وندخلوها الفرن ساخن على درجة حرارة 180 مدة 10 دقايق أو حسب نوع الفرن ديالك

ثم نلسق حلويات الصابلي بالمربى وتزين بالشكلاط والكوك