السلام عليكم اخواتي نتمنى تكونوا بألف خير وصفة ليوم كتجي لذيذة و رائعة والاهم أنها مغايرة اليوم ان شاء الله غنعطيكم مقادير و طريقة الكيكة المالحة ونتمنى تنال إعجابكم
باسم الله
نبداو بالمقادير
كنجتاجو :
3بيضات
كأس ماء او حليب او لبن انا درتها بالماء
1/2كاس زيت الزيتون
2 خميرات الحلوى
كاشير مكعبات + زيتون دوائر
خميرة العجين انا درت معلقة صغيرة تقريبا
الدقيق حسب الخليط
لفت او جزر او كورجيط محكوك انا درت غير الجزر ولكن متكتريش بزاف باش تجي الكيكة خفيفة ومنفوخة
نمشيو دابا للطريقة :
نديروا البيض +الماء + الزيت الخميرة دالعجين + خميرة الحلوى فمولنكس ونخلطهوم مزيان
ومن بعد كنجمعو كلشي
ثم كنضيفو الدقيق بحال الكيك العادي ثم كنديروه فمول مدهون بالزبدة ومر شوش بالدقيق ثم الى الفرن
وهاهي من بعد ما طابت
متنساونيش بدعواتكم
اللهم أدمها نعمة واحفظها من الزوال
Posted in: 
