مقادير و طريقة تحضير حلوة لاكريم بالشكلاط بالخطوات المصورة.
مقادير تحضير حلوة لاكريم بالشكلاط
مقادير تحضير الجنواز
- اربع بيضات
- 125 غ زبدة رطبة
- 125 غ دقيق
- 250 غ سنيدة
- 50 غ شكلاط
- 4 معالق كبيره قهوة نيسكافيه
- شوية الخميرة
مقادير الكريما
- كريم فريش
- شكلاط اسود من النوع الجيد
طريقة تحضير تحضير حلوة لاكريم بالشكلاط
كنطربو البيض وسنيدة حتى يولي مرغوي وخفيف
ها خليط البيض وسنيدة
كنعبوو الفورص والكاكاو ونغربلوهم مع الخميرة
كنضيفوهم من الفوق لتحت على دفعات ماشي دقة وحدة
نخويوه فطاوة بها ورق سلفيريزي ضروري ومؤكد وندخلوها لفران 20 دقيقة حتى ل 15 اطول مدة على حساب الفران
وهاهي ملي خرجات من الفران
وهنا قطعنا دائرة والثانية رقعتها وخدمت نصف مقادير لاجينواز باش عطاتني الدائرة الثالثة ونسقيوهم بالسيرو لي عبارة عن كاس دالما ونص كاس سنيدة ومعلقة كبيرة كاكاو
منبعد مادخلت الدائرة الولا وسقيتها بالسيرو نبداو نعمرو بلاكريم
فكاسرونة كنديرو كمية من كريم فريش فوق النار ملي يغلى نطفيو البوطة ونزيدو شكلاط مقطع ونبداو نحركو حتى يدوب ونديروه فالثلاجة حتى يبرد
هاهو ملي داب الشكلاط مع لاكريم
كنخرجوه من الثلاجة نديروه فالخلاط ونزيدو الكاكاو ونطربوه
هاهو ملي يثقال ويتقاربو الخطوط نحبسو حيت يلا فات الحد غادي يجي يابس
اوا نكملو المونتاج ديالنا نديرو الدايرة التانية ونسقيو تم الكريم والثالثة من بعد نعبرو العلو ديال الحلوة من برا
نقطعو ورق سلفيريزي بالمقص على حساب العبار الي خديا وندهنوه بالشكلاط دايب
منبعد ماتبرد الحلوى نخرجوها من الثلاجة ونلصقو الشريط لي طلينا بالشكلاط غير بيرد نزولوه
كنديرو خطوط بلاكاناش دالشكلاط ولاكريم
حسب الرغبة نزوقو الجناب بلاكريم لي شاطلنا
هده صورة حلوة لاكريم بالشكلاط الي صاوبنا بالصحة و الراحة
Posted in: 
